मिलनको गीत
![मिलनको गीत](https://inlsdarpan.com/wp-content/uploads/2023/12/118226173_733845000496164_3262261550789944074_n.jpg)
मिलनको गीत
![](https://inlsdarpan.com/wp-content/uploads/2023/12/goma-251x300.jpg)
तिमी काँ को म पल्लो पाखाको ।
लाग्छ मेरो ज्योति हौ आँखाको ।।
लुकी छिपी पिरती लाएको ।
साथ बाँच्ने छ कसम खाएको ।।
जीवन हो रे विलाई जाने कर्कलाको पानी ।
भन्थ्यौ एकै मुटु बाँची बिताउँ जिन्दगानी ।।
तर भाग्य विदेश नै लाँदैछ ।
कुटुकुटु भित्री मन खाँदैछ ।।
गनी रौँला आकाशका तारालाई ।
तिमीबाहेक बिर्सिउँला सारालाई ।।
बस माया पर्खिएर पिरतीकै भरमा ।
तिम्रो प्रित साथ लान्छु बिरानो त्यो शहरमा ।।
बिदा देऊ मुसुक्क हाँसेर ।
पहिरिदिनु प्रेम माला गाँसेर ।।
बाटो कुर्नु म फर्की आउँला ।
मिलनको मिठो गीत गाउँला ।।
प्रतिकृया दिनुहोस्