विश्व नेपाली साहित्य महासङ्घ ललितपुर शाखाको आयोजनामा र इन्द्रावती छात्रावास काठमाडौंको सह-आयोजकत्वमा “प्रगतिको पथमा प्रतिभा” शिर्षकमा कार्यक्रम सम्पन्न भयो ।

कार्यक्रम छात्रावासका छात्राहरूको प्रतिभा विकासलाई लक्षित गरी आयोजना गरिएको थियो ।

यस कार्यक्रममा छात्राहरुले आफ्नोे प्रतिभा प्रस्तुत गर्ने मौका पाएका थिए । कार्यक्रम छात्रा रन्जिता राम्तेलले संचालनगरेकी थिइन् । छात्राहरुले आफ्नोे कविता, कथा, गितार बजाएर गीत गायन तथा नृत्य प्रस्तुत गरेका थिए ।

यस सभाका सभापतित्व विश्व नेपाली साहित्य महासंघ ललितपुर शाखाकी अध्यक्ष  नीता श्रेष्ठ (नित्यनूर) ले गरेकी थिइन् । छात्राहरुलाई खान बस्न दिने मात्र छात्रावासको कर्तव्यभन्दा पनि माथि उठी, जसरी आफ्नोे घरको सन्तानलाई शारीरिक तथा मानसिक विकासमा आमा बाबाहरुले अग्रसरता देखाउँदछन्, त्यस्तै अग्रसरता छात्रावासले पनि देखाउनु पर्दछ भन्ने उनको भनाइले यो कार्यक्रमको जन्म भएको हो भनेर उद्धिृत गरेकी थिइन्

यस कार्यक्रममा प्रमुख अतिथिका रुपमा विश्व नेपाली साहित्य महासंघका नवनिर्वाचित केन्द्रीय अध्यक्ष  प्रा. डा. लेखनाथ पौडेल सहभागी थिए। उनको कर्म क्षेत्र ताईवान् नेशनल युनिभर्सिटीको कृषि अनुसन्धान विभाग भएतापनि साहित्य र सृजनामा लागिपरेका विशिष्ट व्यक्तित्व हुन् ।

कार्यक्रमको शुरुवात यस संस्थाका केन्द्रीय उपाध्यक्ष  सुनिता राई कन्दङ्वाबाट स्वागत मन्तव्यबाट गरिएको थियो । साथै यस संस्थाका केन्द्रीय उपाध्यक्ष  बिजय हितानले आफ्नोे अभियानलाई अगाडि बढाउँदै ग्रेटा थनबर्गबाट प्रेरित छोरी र छात्राहरुलाई प्रेरणा दिने एउटा पर्या-कविता सुनाएका थिए र पर्या साहित्यबारे आफ्नोे मन्तव्य प्रस्तुत गरेका थिए।

यसै गरी, नाचघरका नि:वर्तमान अध्यक्ष तथा वरिस्ठ राष्ट्रिय गीत गायक तथा संगीतलाई शिक्षासँग जोड्ने अभियन्ता प्रदिप बम्जनबाट आफ्नोे राष्ट्रिय गीत प्रस्तुत गरी यो सभाको गरिमा बढाएका थिए भने वरिष्ठ साहित्यकार, अन्तर्राष्ट्रिय नेपाली साहित्य समाज नि:वर्तमान केन्द्रीय अध्यक्ष तथा साहित्यिक पत्रकार संघका अध्यक्ष राधेश्याम लेकालीबाट विद्यार्थीहरुलाई आशिर्वाद तथा प्रेरणादायी मन्तव्य गरिएको थियो । त्यसैगरी शिखर कवि शैलेन्द्र साकारले कविताको बारेमा ज्ञान दिँदै आफ्नोे कविताको झलक पनि प्रस्तुत गरेका थिए । यस सभामा धेरै सर्जकहरुको उपस्थिति थियो ।

नारी श्रष्टा समाजका अध्यक्ष तथा वरिष्ठ लघु कथाकार ममता मृदुलले लघु कथा कसरी लेखिन्छ र लघु कथाबारे धेरै ज्ञान छात्राहरुमा बाँडेकी थिइन् । सर्जक बिन्दु अधिकारी ढकालबाट कविता वाचन भएको थियो भने  संगिता कालीबाट गजल प्रस्तुत भएको थियो । वरिष्ठ साहित्यकार  ध्रुव राज ढकाल, ललिता दोशी त्यसैगरी होष्टेल व्यवसायी संघका अध्यक्ष  रविन्द्र थापा , अन्जु सुवेदी  तथा जायँस जयाको पनि उपस्थिति यो सभाको आभा बनेको थियो ।

यस इन्द्रावती छात्रावासमा विभिन्न कलेजमा पढ्ने छात्राहरु बस्छन् जसमध्ये धेरै समानता फाउन्डेशनका फेलोहरु यस छात्रावाससँगको साझेदारीमा धेरै वर्षदेखि यहाँ बसिआएका छन् । यही समानता फाउन्डेशनका प्रमुख कार्यकारी अधिकृत मोना आदित्यले फाउन्डेशनकाबारे प्रकाश पार्दै बोलेका थिए ।

समानता फाउन्डेशनले नेपाल अधिराज्यभरीका विद्यालयहरुबाट हरेक वर्ष एसईई दिएका उत्कृष्ट विद्यार्थी छानेर राजधानीमा पढ्ने छात्रवृत्ती र छात्रावास सहयोगका साथै कलेज बाहिर पनि फेलोहरुको बहुआयामिक विकासका लागि समुचित वातावरण प्रदान गर्दै आएको छ। सन् २०१२ देखि हालसम्म जम्मा १४० फेलोहरुले समानता फाउन्डेशनको फेलोशिप प्राप्त गरिसकेका छन्, जसमध्ये हाल ८६ जना +२ र स्नातक तहका विद्यार्थी सक्रिय फेलोको रुपमा संलग्न छन्।

समानता फाउन्डेशनको उद्देश्य ग्रामीण तथा दुर्गम क्षेत्रका जेहेन्दार विद्यार्थीहरुलाई गुणस्तरीय उच्च शिक्षाको अवसर प्रदान गरी समानता तथा सशक्तिकरणलाई प्रोत्साहित गर्नु हो । उहाँहरू यो जोश र जांगर र समाज प्रतिको सद्भाव तथा विद्यार्थीको भविष्य प्रतिको जागरुकता देखेर हामी धन्य भयौं । कार्यक्रममा छात्रा रन्जिता राम्तेलले उद्घोषणको जिम्मा लिइनभने, नृत्यमा लक्ष्मी विश्वकर्मा (कथा), अस्मिता मगर, रविना चालिसे, तेजु मगर, आसिका सप्कोटा, मीना हमाल, गौरीका मगरले भाग लिएका थिए । साथै, हिमानी र शिवानी शाहले चित्रकला र कवितामा भाग  लिएका थिए।

त्यसैगरी स्वयंसेवीका रुपमा सहयोग गर्ने छात्राहरू सविता गिरी, विपना तामाङ, शोभा के.सी., उर्मिला नेपाली, दिक्क्षा, अस्मी, निनीमा, सोनू बसौला, सलिना गुरुङ, शोभा अधिकारी, हिसीला दनुवार, रोश्ना चुडारो, रोजिना काफ्ले, शर्मिला तामाङ, सिर्जना प्रजा थिए भने सिन्धुजा सिंहले गीतार बजाएर आफ्नोे गायन प्रस्तुत थिइन् । सभाको विसर्जन सभापति नीता श्रेष्ठ नित्यनूरले गरेकी थिइन् भने यस छात्रावासका संरक्षिका  कृष्णलक्ष्मी प्रधानले रात्रिभोजनको व्यवस्था गरी तीजको दर खुवाउने व्यवस्थापन गरेकी थिइन् । यस कार्यक्रमपश्चात तीजको नाचगानमा छात्राहरु रमाएका थिए। सभापति नीता श्रेष्ठ नित्यनूरले शुरु गरेको यो “प्रगतिको पथमा प्रतिभा” कार्यक्रम आउँदा दिनहरूमा पनि नरोकी अगाडि बढ्ने छ।