काठमाडौं । सुनकोशी वाङ्मय प्रतिष्ठानको प्रथम वार्षिक साधारण सभाले छविरमण सिलवालको अध्यक्षतामा नयाँ कार्यसमिति चयन गरेको छ । नेपाली साहित्य जगतमा कवि तथा निवन्धकारका रूपमा प्रशिद्ध सिलवाल उक्त प्रतिष्ठानको संस्थापक अध्यक्ष समेत हुन् ।

रामसुन्दर देउजा उपाध्यक्ष, प्रदीप सापकोटा महासचिव, तारा केसी कोषाध्यक्ष रहेको नयाँ कार्यसमितिमा पूर्णबहादुर श्रेष्ठ, शुभद्रा अधिकारी र वसन्तराम नकर्मी सदस्यमा सर्वसम्मत चयन भएका छन् ।

प्रा.डा.लक्ष्मणप्रसाद गौतमको प्रमुख आतिथ्यमा भएको साधारण सभा उद्घाटन सत्रमा नेपाल स्रष्टा समाजका अध्यक्ष श्रीओम श्रेष्ठ रोदन, साहित्यिक पत्रकार संघका अध्यक्ष राधेश्याम लेकाली, वरिष्ठ साहित्यकार पवन आलोक, लघुकथा समाजका अध्यक्ष तुलसीहरी कोइराला लगायतले शुभकामना मन्तव्य राखे ।

बन्द सत्रमा महासचिव प्रदीप सापकोटा र  कोषाध्यक्ष तारा केसीले क्रमशः पेश गरेका प्रगति र आर्थिक प्रतिवेदन सर्वसम्मत पारित भएका थिए ।

उद्घाटन शत्रको अध्यक्षता छविरमण सिलवालले र बन्द शत्रको अध्यक्षता निर्वाचन समितिका संयोजक श्रीबाबु कार्कीले गरेका थिए ।

कार्कीको संयोजकत्वमा सुमन सौरभ र अधिवक्ता विजयभक्त श्रेष्ठ सदस्य रहेको निर्वाचन समितिले सर्वसम्मत कार्यसमितिको घोषणा गरेको थियो ।

नवनिर्वाचित समितिलाई वधाई ज्ञापन गर्दै प्रा.डा.गौतमले प्रमाणपत्र वितरण गरे भने निर्वाचन संयोजक कार्कीले सपथ गराए ।