अनेसास कोराडो च्याप्टरले दियो एक हजार एक डलर

अन्तर्राष्ट्रिय नेपाली साहित्य समाज कोलोराडो च्याप्टरले अनेसासको भवन खरिदकालागि एक हजार एक डलर सहयोग प्रदान गरेको छ । अनेसास केन्द्रीय कार्य समितिको आह्वानमा च्याप्टरहरूले सहयोग गर्ने प्रतिवद्दताको यो सुरुआति क्रम हो ।
अनेसासका केन्द्रीय अध्यक्ष गोवर्द्धन पूजालाई देवकोटाजयन्तीको अवसर पारेर च्याप्टर प्रतिनिधिहरूले चेक हस्तान्तरण गरेका हुन् ।

हस्तान्तरित चेकलाई कोलोराडोस्थित वेल्स फार्गो बैकमा रहेको अनेसास बोर्ड अफ ट्रस्टीको खातामा जम्मा गरिएको अध्यक्ष पूजाले बताएका छन् । चेक ग्रहण पश्चात् धन्यवाद ज्ञापनगर्दै अनेसास कोरोराडो च्याप्टर एउटा नमूना च्याप्टरको रूपमा रहेको बताए ।
अनेसास भवन निर्माणको लागि न्यूह्यामसार च्याप्टरले यसअघि नै रकम हस्तान्तरण गरिसकेको छ भने बोस्टन,न्यूयोर्क, डीसीलगायतका च्याप्टरहरूले आगामी मार्च १० मा बोस्टनमा हुने च्याप्टर सम्मेलनमा हस्तान्तरण गर्ने जनाएका छन् ।