कोलोराडो, १२ बैशाख ।

नवौं अन्तर्राष्ट्रिय नेपाली साहित्य सम्मेलनको यातायात तथा अतिथि व्यवस्थापन कोर्डिनेटरको जिम्मेवारी अर्जुन कार्कीलाई दिईएको छ ।

अन्तर्राष्ट्रिय नेपाली साहित्य समाज (अनेसास) केन्द्रीय समितिले आगामि मे २२ देखि २५ (जेठ ८–११) सम्म अमेरिकाको कोलोराडोमा आयोजना गर्न गईरहेको सम्मेलनका लागि काकीलाई यातायात तथा अतिथि व्यवस्थापन कोर्डिनेटरको जिम्मेवारी दिएको हो ।

व्यवसायसंगै समाजसेवामा सक्रिय कार्कीलाई नवौं अन्तर्राष्ट्रिय नेपाली साहित्य  सम्मेलनको लायजन कोर्डिनेटरको जिम्मेवारी दिईएको अनेसास केन्द्रीय समितिले जनाएको छ ।

सम्मेलनलाई भव्य रुपमा सम्पन्न गर्न नौ वटा उपसमिति गठन गरिएका छन् । जसमध्ये यातायात तथा अतिथि व्यवस्थापन प्रमुखको जिम्मेवारी कार्कीले पाएका हुन् ।

सम्मेलनमा संसारभरीबाट दुई सयभन्दा बढि नेपाली साहित्यकारहरु सहभागी हुने अनुमान गरिएको छ ।