कोलोराडो, १२ बैशाख ।

नवौं अन्तर्राष्ट्रिय नेपाली साहित्य सम्मेलनको लायजन कोर्डिनेटरको जिम्मेवारी रैवतराज पौडेललाई दिईएको छ ।

अन्तर्राष्ट्रिय नेपाली साहित्य समाज (अनेसास) केन्द्रीय समितिले आगामि मे २२ देखि २५ (जेठ ८–११) सम्म अमेरिकाको कोलोराडोमा आयोजना गर्न गईरहेको सम्मेलनका लागि  पौडेललाई लायजन कोर्डिनेटरको जिम्मेवारी दिएको हो ।

व्यवसायसंगै समाजसेवामा सक्रिय पौडेललाई नवौं अन्तर्राष्ट्रिय नेपाली साहित्य  सम्मेलनको लायजन कोर्डिनेटरको जिम्मेवारी दिईएको अनेसास केन्द्रीय समितिले जनाएको छ ।

सम्मेलनलाई भव्य रुपमा सम्पन्न गर्न नौ वटा उपसमिति गठन गरिएका छन् । जसमध्ये लायजन प्रमुखको जिम्मेवारी पौडेलले पाएका हुन् ।

सम्मेलनमा संसारभरीबाट दुई सयभन्दा बढि नेपाली साहित्यकारहरु सहभागी हुने अनुमान गरिएको छ ।