लोराडो, ११ बैशाख ।

नवौं अन्तर्राष्ट्रिय नेपाली साहित्य सम्मेलनको सांस्कृतिक समितिको कोर्डिनेटरको जिम्मेवारी विजयदेव अधिकारीलाई दिईएको  छ ।

अन्तर्राष्ट्रिय नेपाली साहित्य समाज (अनेसास) केन्द्रीय समितिले आगामि मे २२ देखि २५ (जेठ ८–११) सम्म अमेरिकाको कोलोराडोमा आयोजना गर्न गईरहेको सम्मेलनका लागि समाजसेवी अधिकारीलाई सांस्कृतिक समिति कोर्डिनेटरको जिम्मेवारी दिएको हो ।

साहित्य लेखनसंगै समाजसेवामा सक्रिय अधिकारीलाई नवौं अन्तर्राष्ट्रिय नेपाली साहित्य सम्मेलनको सांस्कृतिक समितिको कोर्डिनेटरको जिम्मेवारी दिईएको अनेसास केन्द्रीय समितिले जनाएको छ ।

सम्मेलनलाई भव्य रुपमा सम्पन्न गर्न नौ वटा उपसमिति गठन गरिएका छन् । जसमध्ये सांस्कृतिक समितिको प्रमुखको जिम्मेवारी अधिकारीले पाएका छन् ।

सम्मेलनमा संसारभरीबाट दुई सयभन्दा बढि नेपाली साहित्यकारहरु सहभागी हुने अनुमान गरिएको छ ।