२०८१ मङ्सिर २५,  काठमाडौं ।

साहित्यिक पत्रकार संघ (Literary Journalist Association)ले  डालो रेस्टुरेन्ट, अनामनगर, काठमाडौंमा अनेसासका पूर्व अध्यक्ष वरिष्ठ सर्जक मोहन सिटौला (अमेरिका)लाई अभिनन्दन गर्‍यो ।

यसैगरी अनेसास, पूर्व महासचिव कवि सुरेन उप्रेतीलाई “व्यथित काव्य डायस्पोरा सम्मान”बाट सम्मानित गर्‍यो । 

दुबै सम्मानित सर्जकलाई कार्यक्रमका प्रमुख अतिथि वरिष्ठ इतिहासविद् प्रा. डा. सुरेन्द्र के. सी.ले सम्मान गरेका थिए ।

उनीहरुलाई सम्मानपत्र, सापस स्वर्ण महोत्सवको मेडल, दोसल्ला, माला र टोपीले सम्मान गरिएको थियो ।

साहित्यिक पत्रकार संघका अध्यक्ष राधेश्याम लेकालीको  अध्यक्षतामा आयोजित सो कार्यक्रममा प्रमुख अतिथि के. सी., अध्यक्ष लेकाली, प्राज्ञ बाबा बस्नेत, सम्मानित सर्जकहरु मोहन सिटौला र सुरेन उप्रेती, डा. दामोदर पुडासैनीले विशेष मन्तव्य राखेका थिए ।

कवि मुरारी सिग्देलले सहजीकरण गरेको उक्त कार्यक्रममा  गीतकार एवं समाजसेवी शोभित उप्रेती, साहित्यिक पत्रकार संघका पूर्व अध्यक्ष नरेन्द्रबहादुर श्रेष्ठ, नेपाल प्रज्ञा प्रतिष्ठानकी काव्य विभाग प्रमुख प्राज्ञ बाबा बस्नेत, भ्रष्टाचार विरुद्धका अभियन्ता हेम पाठक, वरिष्ठ समालोचकहरु प्रमोद प्रधान र प्रा. डा. गोविन्दमान सिंह कार्की, अनेसास केन्द्रीय सदस्यहरु तारा उप्रेती (क्यानडा) र सुमन वर्षा, अनेसास केन्द्रीय समितिका पूर्व महासचिव गणेश घिमिरे, उपन्यास समाज नेपालका अध्यक्ष शंकर भारती, पत्रकार एवं समाजसेवी सुरेश आचार्य, साहित्यकारहरु युवराज नयाँघरे, विमल भौकाजी, डा. हरिप्रसाद सिलवाल, ठाकुर वेलबासे, राजेश खनाल, रुद्र अधिकारी, रितु कँडेल, डा. दामोदर पुडासैनी र नीता श्रेष्ठ लगायतको उपस्थिति रहेको थियो ।