जापानमा शुभारम्भ साहित्य तथा ६५औँ नियमित साहित्य शृङ्खला सम्पन्न

अनेसास जापान चयाप्टरले जापानमा ‘शुभारम्भ साहित्य तथा ६५औँ नियमित साहित्य शृङ्खला सम्पन्न’ गरेको छ । जापानका लागि महामहिम राजदूत साहित्यकार दिबसु क्षेत्रीको प्रमुख आतित्‍थमा सम्पन्न उक्त कार्यक्रम आकाश अधिकारीको संयोजनमा सम्पन्न भएको थियो ।
कार्यक्रममा कवि मञ्जुल मितेरीको कविता संग्रह ‘कामी’ , कवि मञ्जु गिरीको कविता संग्रह ’साकुराको देशबाट’ र मुक्तककार के बी पारखीको मुक्तक संग्रह ‘मनको मन्दिर’ को कर्मभूमि विमोचन गरिएको छ । विमोचित पुस्तकमाथि ‘कामी’लाई अमृत ढकाल, ’साकुराको देशबाट’लाई दीप पाठक र ‘मनको मन्दिर’लाई गोबिन्द गिरीले समालोचनात्मक टिप्पणी राखेका थिए । च्याप्टर अध्यक्ष रविन शर्माको अध्यक्षतामा सम्पन्न कार्यक्रममा अनेसास केन्द्रीय पूर्व अध्यक्ष प्रकाश पौडेल माइला,केन्द्रीय सचिव दीप पाठक, केन्द्रीय सदस्य सुमित गिरी,के बि पारखीलगायतले सिर्जना वाचन तथा मन्तव्य राखेका थिए ।