कोलोराडो, ११ बैशाख ।

नवौं अन्तर्राष्ट्रिय नेपाली साहित्य सम्मेलनको भेन्यु तथा लजिष्टिक्स कोर्डिनेटरको जिम्मेवारी गैर आवासीय नेपाली संघ अमेरिकाका युवा उपाध्यक्ष प्रकाश पौडेललाई दिईएको छ ।

अन्तर्राष्ट्रिय नेपाली साहित्य समाज (अनेसास) केन्द्रीय समितिले आगामि मे २२ देखि २५ (जेठ ८–११) सम्म अमेरिकाको कोलोराडोमा आयोजना गर्न गईरहेको सम्मेलनका लागि युवा व्यवसायी पौडेललाई भेन्यु तथा लजिष्टिक्स कोर्डिनेटरको जिम्मेवारी दिएको हो ।

व्यवसायसंगै समाजसेवामा सक्रिय पौडेललाई नवौं अन्तर्राष्ट्रिय नेपाली साहित्य सम्मेलनको भेन्यु तथा लजिष्टिक्स कोर्डिनेटरको जिम्मेवारी दिएको अनेसास केन्द्रीय समितिले जनाएको छ ।

सम्मेलनलाई भव्य रुपमा सम्पन्न गर्न नौ वटा उपसमिति गठन गरिएका छन् । जसमध्ये भेन्यु तथा लजिष्टिक्स प्रमुखको जिम्मेवारी पौडेलले पाएका छन् ।

सम्मेलनमा संसारभरीबाट दुई सयभन्दा बढि नेपाली साहित्यकारहरु सहभागी हुने अनुमान गरिएको छ ।