२०८१ पुस २७ जनवरी ११
अन्तर्राष्ट्रिय नेपाली साहित्य समाज अनेसासले आफ्नो ३४ औँ स्थापना दिवसको अवसरमा नन्दा शोककाव्य सार्वजनिक गरेको छ ।

अनेसास केन्द्रीय कार्यसमितिका अध्यक्ष सर्वज्ञ वाग्लेको सभापतित्व तथा अनेसासका संस्थापक अध्यक्ष होमनाथ सुवेदी प्रमुख अतिथि रहेको उक्त दिवस समारोहलाई अनेसासका महासचिव राजु सिटौलाले सञ्चालन गरेका थिएभने वरिष्ठ उपाध्यक्ष लालगोपाल सुवेदीले स्वागत मन्तव्य व्यक्त गरेका थिए ।

समारोहमा अनेसासका माता अर्थात् अनेसासकी संस्थापक सदस्य एवं संस्थापक अध्यक्ष होमनाथ सुवेदीकी धर्मपत्नी नन्दादेवी सुवेदीको शोककाव्यको भिडियो युटुयुबमार्फत सार्वजनिक गरिएको थियो । नन्दा शोककाव्यका लेखक होमनाथ सुवेदी हुन्भने यस काव्यलाई कवि साहित्यकार शिव त्रिपाठीले वाचन गरेका छन् ।

उक्त शोककाव्यको समीक्षात्मक मन्तव्य समालोचक साहित्यकार महेश पौडेलले दिएका थिए ।

नन्दा शोककाव्य हेर्न र सुन्न यो लिंकमा क्लिक गर्नुहोस् ः